За Читалната 1000 книги

Читалната 1000 книги е отворена на 15.05.2011 година и истата функционира во рамките на Министерството за образование и наука на Република Македонија. Читалната располага со стручни книги и литература на македонски и на албански јазик кои се дел од Проектот: „Превод на 1.000 стручни и научни книги и учебници од кои се учи на врвните универзитети во САД и Англија, а од областа на правото во Франција и Германија. Книгите се од повеќе области: медицина, ветерина, фармација, стоматологија, машинство, електротехника, информатика, право, политикологија, математика, физика, хемија, земјоделство, економија, архитектура, уметност, археологија итн. Исто така, Читалната располага и со книгите од едицијата на Министерството за култура: Нобеловци, 130 тома македонска книжевност, Ѕвезди на светската книжевност и Македонска литература на англиски јазик, како и едицијата на Министерството за образование и наука, Македонски дејци. Читалната располага и со помал фонд на детска литература, учебници, лектири и донирани книги. Посетителите можат бесплатно да ги користат фондовите на книги и услугите на Читалната. Читалната е отворена за сите заинтересирани граѓани, ученици, студенти, магистранти, докторанди итн. Главната мисија на Читалната е: промовирање и популаризација на користењето на книгите од Проектот „Превод на 1000 стручни, научни книги и учебници од кои се учи на врвните, најдобрите и најреномираните универзитети во САД и Англија а од областа на правото во Франција и Германија“ и создавање на услови за подигнување на нивото на навиката за читање како значајна општествена вредност преку користење на врвна стручна и научна литература од реноминираните универзитети во светот и на тој начин стекнување на знаење еднакво на она во развиените земји. Во Читалната не се врши продажба на книгите од Проектот „Превод на 1000 стручни, научни книги и учебници од кои се учи на врвните, најдобрите и најреномираните универзитети во САД и Англија а од областа на правото во Франција и Германија“. Читалната исто така е отворена за соработка и соработува со други чинители кои на било каков начин се поврзани со развојот и унапредувањето образованието и науката во Република Македонија, како што се: универзитетите, научните институти, студентските асоцијации, школите за изучување на странски јазици, невладините организации, центрите за продажба на специјализирана стручна литература, културните институции итн.    

ПРАВИЛА ЗА КОРИСТЕЊЕ НА ЧИТАЛНАТА 1000 КНИГИ

1. СЕКОЈ ЧИТАТЕЛ КОЈ ДОАЃА ВО ЧИТАЛНАТА, ЗАДОЛЖИТЕЛНО ТРЕБА ДА ДОЈДЕ НА ПУЛТОТ ЗА ПРИЈАВУВАЊЕ, КАДЕ МУ СЕ ИЗДАВА БЕЏ ИЛИ КАРТИЧКА СО БРОЈ КОЈ ГО ОЗНАЧУВА МЕСТОТО ЗА СЕДЕЊЕ ВО ЧИТАЛНАТА. БЕЏОТ Е ОБВРЗАН ЗАДОЛЖИТЕЛНО ДА ГО НОСИ НА СЕБЕ ПРИ ПРЕСТОЈОТ ВО ЧИТАЛНАТА. БЕЏОТ И КАРТИЧКАТА ТРЕБА ДА СЕ ВРАТАТ НА ПУЛТОТ ПРИ ЗАМИНУВАЊЕ ОД ЧИТАЛНАТА.

2. СЕКОЈ ЧИТАТЕЛ МОЖЕ ДА ГИ КОРИСТИ ПРОСТОРИИТЕ НА ЧИТАЛНАТА КАКО И КНИГИТЕ ОД НЕЈЗИНИОТ ФОНД - БЕСПЛАТНО. СЕКОЈ ЧИТАТЕЛ Е ОБВРЗАН ПО КОРИСТЕЊЕТО УРЕДНО ДА ЈА ВРАТИ ЗЕМЕНАТА КНИГА. КНИГИТЕ ГИ ИЗДАВААТ ИСКЛУЧИВО ОВЛАСТЕНИТЕ ЛИЦА ВО ЧИТАЛНАТА.

3. ЧИТАТЕЛИТЕ ТРЕБА ВНИМАТЕЛНО, СВЕСНО И ОДГОВОРНО ДА ГИ КОРИСТАТ И УПОТРЕБУВААТ КНИГИТЕ ВО ЧИТАЛНАТА. ЗА КОРИСТЕЊЕТО НА ФОНДОТ НА КНИГИ КАКО И НА ЧИТАЛНАТА НЕ СЕ ПЛАЌА ЧЛАНАРИНА. НЕ Е ДОЗВОЛЕНО БИЛО КАКВО ОШТЕТУВАЊЕ ИЛИ ЗЛОУПОТРЕБА НА КНИГИТЕ. 

4. ЧИТАТЕЛИТЕ ТРЕБА ВНИМАТЕЛНО СВЕСНО И ОДГОВОРНО ДА СЕ ОДНЕСУВААТ, ДА ГО КОРИСТАТ И УПОТРЕБУВААТ ИНВЕНТАРОТ ВО ЧИТАЛНАТА И ДА НЕ ГО ОШТЕТУВААТ ИСТИОТ. ЧИТАТЕЛИТЕ ТРЕБА ВНИМАВААТ НА ХИГИЕНАТА ВО ПРОСТОРИИТЕ НА ЧИТАЛНАТА.

5. ЧИТАТЕЛИТЕ МОЖАТ ДА ГИ КОРИСТАТ КНИГИТЕ САМО ВО ПРОСТОРИИТЕ ВО ЧИТАЛНАТА. НЕ Е ДОЗВОЛЕНО ФОТОКОПИРАЊЕ, ПОЗАЈМУВАЊЕ И ИЗНЕСУВАЊЕ НА КНИГИТЕ НАДВОР ОД ПРОСТОРИИТЕ НА ЧИТАЛНАТА.

6. СЕКОЈ ЧИТАТЕЛ МОЖЕ ДА КОРИСТИ СОПСТВЕН ЛАП ТОП КАКО ВО ЧИТАЛНАТА СО ОБЕЗБЕДЕН БЕСПЛАТЕН БЕЗЖИЧЕН ИНТЕРНЕТ ПРИСТАП. НЕ Е ДОЗВОЛЕНА ЗЛОУПОТРЕБА НА ИНТЕРНЕТ ПРИСТАПОТ ЗА НЕДОЗВОЛЕНИ ЦЕЛИ.

7. ЗАБРАНЕТО Е ВНЕСУВАЊЕ И КОРИСТЕЊЕ НА СЕНДВИЧИ, ТОСТОВИ, БЕЛИ ПЕЦИВА И ДРУГА МРСНА ХРАНА ВО ПРОСТОРИИТЕ НА ЧИТАЛНАТА. ХРАНАТА МОЖЕ ДА СЕ КОНЗУМИРА НАДВОР ОД ПРОСТОРИИТЕ НА ЧИТАЛНАТА.

8. ЧИТАТЕЛИТЕ ТРЕБА ДА ВНИМАВААТ ДА НЕ ЗАБОРАВААТ ПРЕДМЕТИ ВО ЧИТАЛНАТА, БИДЕЈЌИ ЧИТАЛНАТА НЕ ЈА ПРЕВЗЕМА ОДГОВОРНОСТА ЗА ЗАБОРАВЕНИ ИЛИ УКРАДЕНИ ПРЕДМЕТИ: ПАРИЧНИЦИ, ТАШНИ, РАНЦИ, МОБИЛНИ ТЕЛЕФОНИ, ДИГИТРОНИ, КНИГИ ИЛИ ДРУГИ ПРЕДМЕТИ.

9. ВО ПЕРИОДИТЕ НА ГОЛЕМА ПОСЕТЕНОСТ НА ЧИТАТЕЛИ ВО ЧИТАЛНАТА, ДОКОЛКУ ЧИТАТЕЛИТЕ ОТСУСТВУВААТ ПОДОЛГО ОД 30 МИНУТИ, ТРЕБА ДА ТОА ГО ПРИЈАВАТ НА ПУЛТОТ И ДА ГО ВРАТАТ БЕЏОТ И КАРТИЧКАТА. ВО СПРОТИВНО МЕСТОТО ЌЕ БИДЕ ДОДЕЛЕНО НА ДРУГ ЧИТАТЕЛ.

10. РАЗГОВОР НА МОБИЛЕН ТЕЛЕФОН НЕ Е ДОЗВОЛЕН.       

РАБОТНО ВРЕМЕ: ОД ПОНЕДЕЛНИК ДО ПЕТОК - ОД 8 ДО 19 ЧАСОТ